Ahmad Nugraha:
Sukasarana
Ariraga Sukarasana, adhiku
Tumekane titi mangsa
Sliramu lan aku kudu perpisahan
Ora ana kang perlu digetuni
Panuwunku marang lelabuhanmu, adhiku
Tumandang graying sarwa-sarwi mikolehi
Bisa ngrangkul gunung-gunung ros rasa
Nyilem samodra guwa sigaraning nyawa
Ing jembare bumi langit
Ariraga Sukarasana, adhiku
Bebarengan anggamu nate dakpecaki galengan
Banjur sepur grenjenng nggereng nggeret umur
Padesan lan Negara dadi papan ngumbara
Saiki, adhiku
Kampus, hotel lan seminar dadi padinan
Wadana sumunar gegayuhan makantar
Jejermu wadhag, adhiku
Wujud minangka wadhah anempuh
Impen padhang peteng pait geter lumintir
Ing ngelu mules sliramu dheku-dheku
Ing endhum panas sliramu marikelu
Kuwasaning Gusti tansah ngumandhang ing ati
Kabeh iki mung paringan gadhuhan
Samangsane pinundhut los lulus
Kari gilanng-gilang kuwandhamu
Esem pungkasan dadi sanguku
Sliramu lerem, adhiku
Aku isih kudu terus lumaku
Saka sihing widhi
Mbesuk sliramu tangi
Bebarengan nyuwun paringan pengadilan
:rakasuksma Suwanda
Kalasan, April 1995
(Pesta Emas, hal 55)
No comments:
Post a Comment