Lakon SRI HUNING
|
Adegan I : Kadipaten Bojanegara
Pasewakan Kadipaten Bojanegara. Nampi
rawuhipun utusan saking Tuban nanjihaken perkawis dhaupipun R.Wiratmaya lan
Retna Kumala.
Adegan kaawiti sungkeming para nayaka
dhumateng Adipati Sasranagara.
|
||
|
Raden Sadara
|
:
|
Paman
Adipati, kula ngaturaken sungkeming pangabekti mugi konjuk.
|
|
Adipati Sasranagara
|
:
|
Ya
ngger, Sadara. Paman tampa. Ora liwat pamujiku tampanana.
|
|
Raden Sadara
|
:
|
Inggih,
kula pundhi mugi ndadosaken jimat paripih, Paman.
|
|
Adipati Sasranagara
|
:
|
Njanur
gunung dene kowe sowan ana ing Bojanegara, nuju ngelengake apa pancen ana
wigati?
|
|
Raden Sadara
|
:
|
Inggih,
sowan kula wonten ing kadipaten Bojanegara menika estunipun mundhi dhawuh
rama Siralawe ing Tuban saperlu nanjihaken bab jejodhohan antawisipun kakang Wiratmaya
kaliyan kangmbok Retna Kumala, Paman.
|
|
Adipati Sasranagara
|
:
|
Ha..ha..ha..ha..pancen
nalika semana aku klawan ramamu kuwi duwe kekarepan bakal ngraketake
paseduluran kanthi srana njodokake Wiratmaya klawan putriku Retna Kumala… Apa
pancen ramamu ngersakake jejodhohan iki diterusake?
|
|
Raden Sadara
|
:
|
Punten
Dalem Sewu, Paman. Sedaya menika leres. Nyatanipun rama Adipati Siralawe
ngutus kula sowan ing ngarsa paman Adipati saperlu nyuwunaken pirsa babagan
jejodhohan menika saha minangka dhuta saking Tuban asung panglamaripun kakang
Wiratmaya, Paman.
|
|
Adipati Sasranagara
|
:
|
Ya…ndadekake
bungahing atiku yen pancen kaya mangkono. Sadara…
|
|
Raden Sadara
|
:
|
Katimbalan
paman adipati…
|
|
Adipati Sasranagara
|
:
|
Aturna
marang ramamu, dene aku nampa panglamare Wiratmaya lan aku wus netepake yen
dhauping Wiratmaya lan Retna Kumala ing hari Anggara Kasih telung candra saka
kalungguhan iki.
|
|
Kadadak
rawuhipun utusan Adipati Indrakatong saking Lamungan. Pasewakan kaget,
swasana sereng.
|
||
|
Patih Indrasekti
|
:
|
Ha..ha..ha..ha..
nuwun sewu, napa leres dene ngriki menika Kadipaten Bojanegara.
|
|
Adipati Sasranagara
|
:
|
Mangke
ta kisanak, leres menawi menika pendapi agung kadipaten Bojanegara. Lajeng
kisanak menika sinten lan saking pundi?
|
|
Patih Indrasekti
|
:
|
Ha..ha..ha..ha..
tepangaken kula Patih Indrasekti, utusan gusti Adipati Indrakatong saking Lamungan.
Menawi mekaten sampeyan menika Adipati Sasranegara?
|
|
Adipati Sasranagara
|
:
|
Kepara
pancen nyata, Ingsun Adipati Sasranagara songsong agung ing Bojanegara. Ana wigati
apa dene nganti tumeka ing Bojanegara?
|
|
Patih Indrasekti
|
:
|
Kula
mundhi dhawuh junjungan kula Adipati Indrakatong saperlu ngaturaken
panglamaripun gusti adipati dhumateng kusumaning nagari Dewi Retna Kumala.
|
|
Adipati Sasranagara
|
:
|
Ora
ana jamake wong nglamar kanthi ngetap prajurit kang jangkep lan sanjata
pinusus?
|
|
Patih Indrasekti
|
:
|
Kula
pinangka duta kedah saged ngrampungi damel, mila kula kabetanan purba wasesa
lan sabregada prajurit kangge ngawekani menawi panglamar sarana aris
katampik, boten wonten sanes amung kanthi cara kagecaking perang kanthi
ngrebat putri boyongan.
|
|
Adipati Sasranagara
|
:
|
Pancen
bener kaya ngono kuwi kuwajibane duta, ning kabeh mau duwe pranatan kang kudu
ditetepi dhewe-dhewe anut papan kang lumadi.
|
|
Patih Indrasekti
|
:
|
Sokur,
bilih sang Adipati pirsa?
|
|
Adipati Sasranagara
|
:
|
Ora
teges aku nampik, ning iki mau kena sinebut sira barung sinang, amarga ana
utusan saka Tuban kang wus teka luwih dhisik, kang nunggal karep klawan sira.
|
|
Patih Indrasekti
|
:
|
Cethanipun?
|
|
Adipati Sasranagara
|
:
|
Ingsun
durung bisa wangsulan, nanging entenana ning alun-alun Bojanegara.
|
|
Patih Indrasekti
|
:
|
Menawi
pancen menika kerampunganipun, kepareng kula medal pasilan.
|
|
Adipati Sasranagara
|
:
|
Sadara…
|
|
Raden Sadara
|
:
|
Rembugan
perkara Wiratmaya lan Retna Kumala wis rampung. Perkara mbalikake Patih
Indrasekti ing Lamungan mangsa borong dakpasrahake marang kowe.
|
|
Raden Sadara
|
:
|
Ngestokaken
paman adipati. Menawi mekaten kula nyuwun pamit.
|
|
Ing
Alun-alun, rombongan Patih Indrasekti nengga putusan saking Adipati
Sasranagara. Katungka rawuhipun Raden Sadara dados pasulayan.
|
||
|
Patih Indrasekti
|
:
|
O,
iki ta duta saka Tuban? Ha..ha..ha..
|
|
Raden Sadara
|
:
|
Ngertenana
yen ta cethane kangmbok Retna Kumala bakal didhaupake karo kakangku,
Wiratmaya. Malah wus ditetepake yen ta dina dhauping penganten nuju hari Anggara
Kasih.
|
|
Patih Indrasekti
|
:
|
Kuwi
rak rembugmu karo Adipati Sasranegara. Saiki rembugmu karo aku sing bakal
kanggo, kowe balia kandhaa yen ta Retna Kumala wus dadi garwane Adipati
Indrakatong.
|
|
Raden Sadara
|
:
|
Kekarepanmu
bisa klakon yen wis bisa nyempal bau kanan kiringing Sadara.
|
|
Patih Indrasekti
|
:
|
Patembayanmu
takwujudi.
|
|
Perang….Kasigeg…
|
||
|
Adegan
II : Tamansari Kadipaten Tuban.
Sri
Huning saweg gegojegan lan ngudarasa parikena. Kalajengaken rawuhipun Raden
Wiratmaya.
|
||
|
Sri Huning
|
:
|
Kene
lo mbok…mbok ya dha jejagongan kene lo..
|
|
Embang 1 + 2
|
:
|
nggih
ndara…
|
|
Sri Huning
|
:
|
Mbok..mbok..dina
iki kok ya ora kaya padatane ya mbok?
|
|
Emban 1
|
:
|
Benten
kados pundi ta? Wong srengengene taksih sami, sekul raose nggih sami, kok
beda ta ndara?
|
|
Emban 2
|
:
|
Kowe
ki piye ta yu, sajake ki ndara ayu ki lagi nandang wuyung kae lo…dadi ya
kabeh rasane nyenengake ngono lo…nggih ta ndara?
|
|
Sri Huning
|
:
|
Alah…simbok
ki lo senengange kok mbeda? Isin aku…
|
|
Emban 2
|
:
|
La
rak tenan ta? Bener kandhaku…
|
|
Emban 1
|
:
|
La
jenengan niku rak nggih sampun akhir diwasa, gek ya ayu lencir kuning, sae
bebudene…mesthi kathah jejaka sing kersa…
|
|
Sri Huning
|
:
|
Alah
simbok ki lo…la kok saya ndadra leh mbeda aku…
|
|
Emban 1
|
:
|
Menawi
penjenengan ndara. Priya ingkang kados pundi ingkang dados kekudanganing
ndara?
|
|
Sri Huning
|
:
|
Piye
ya mbok…isin aku…ya pengene ki sing gagah pideksa, lencir, lan sing baku ki
alus lan apik bebudene…saora-orane kaya kakng Wiratmaya kae. Wis bagus, apikan,
lan ora tau gawe cuwaning atiku…hehehe…dadi isin aku
|
|
Emban 2
|
:
|
La
konangan yen gusti ki wonten raos kaliyan gusti Wiratmaya ta? Hayo.
|
|
Sri Huning
|
:
|
(jumeneng
mlampah alon) Mbok, apa ya patut yen aku nresnani kakang Wiratmaya. Kakang
Wiratmaya ki kakangku dhewe, dadi umpama tresna ki ya winates tresnane adhi
klawan kakange.
|
|
Emban 1
|
:
|
Nggih
kula ngertos ndara. Sing sabar mawon
|
|
Sri Huning
|
:
|
Salumrahe
wanita, sapa ta sing ora kepengin duwe sisihan sing kaya kakang Wiratmaya.
Satriyaning nagari kang tansah nengenake adil, gagah pideksa, bebudene alus
merak ati, ora tau gawe kuciwane atiku. Apa salah ta mbok yen aku ya duwe
kekudangan, pengin diwengku dening priya kang kaya kakang Wiratmaya? Apa salah?
(netesake luh)
|
|
Katungka
rawuhipun Raden Wiratmaya kanthi sesidheman.
|
||
|
Raden Wiratmaya
|
:
|
Ora…
|
|
Sri Huning
|
:
|
Lo
kakang…mangga lo kakang..(gupuh)
Kakang
rawuh kok ngagetake ta?
|
|
Raden Wiratmaya
|
:
|
La
piye wong sajake awakmu lagi jejagongan ana rembug kang wadi karro
abdimu…Jane ngomongke apa ta?
|
|
Sri Huning
|
:
|
Alah
mboten kok kakang…mboten napa-napa?
|
|
Raden Wiratmaya
|
:
|
Diajeng,
satleraman pun kakang mireng yen sing karembug perkara genganthilaning atimu.
Apa ya tenan si adhi ki duwe pepinginan diwengku dening priya kang kaya aku?
|
|
Sri Huning
|
:
|
Kakang,
ora bisa tak selaki pancen kaya mangkono.
|
|
Raden Wiratmaya
|
:
|
Diajeng,
ing jagad iki sing jenenge Wiratmaya ana siji, ya aku. Nanging yen wong sing
kaya Wiratmaya akeh. La karepmu?
|
|
Sri Huning
|
:
|
Kakang,
saumpamane aku wus diwengku marang priya ateges aku bakal pisah klawan kakang
merga aku kaboyong. Nanging yen sing mengku aku kuwi kaya kakang wiratmaya,
senajan pisah, kaya-kaya tansah bebarengan kok kakang.
|
|
Raden Wiratmaya
|
:
|
Ya..yen
ngono kekarepanmu. Aku mung arep ndongeng, menawa dongeng iki kang dadi dalan
kasembadane kekarepanmu. Si Adhi rak ya gelem ngrungokake ta?
|
|
Sri Huning
|
:
|
Iya
kakang mara gage ta kakang?
|
|
Raden Wiratmaya
|
:
|
Mbiyen
rikala perang gedhe Majapahit lumawan Blambangan. Ana Senapati Agung kang
madheg dadi saka gurune kraton Majapahit yaiku Sang Adipati Ranggalawe, ya
eyangmu. Nalika magut yuda lumawan Adipati Minakjingga, eyang tansah
didherekake abdi kinasih yaiku Wangsapati. Ing madyaning paprangan,
Wangsapati gugur mbelani Eyang Ranggalawe.
Nalika
arep seda, Wangsapati nitip weling yen salenane nitipake kaslametane putra
lan kluwargane. Rehning Eyang Ranggalawe uga gugur ing madyaning palagan,
mula piwelinge Wongsapati diteruskake rama Adipati Siralawe. La ngertiya yen
ta anake nalika ditinggal magut yuda, anake paman Wangsapati iku nggarbini.
Wanci leking ponang jabang bayai mijil putri banjur diparingi pusaka asma
klawan Rama Siralawe.
|
|
Sri Huning
|
:
|
La
banjur dijenengake sapa kakang?
|
|
Raden Wiratmaya
|
:
|
Dijenengake
Sri Huning.
|
|
Sri Huning
|
:
|
Lo…lakok
padha karo jenengku ya kakang?
|
|
Raden Wiradmaya
|
:
|
Ora
mung jenenge, nanging gedhene jabang bayi si adhi iki…
|
|
Sri Huning
|
:
|
(langsung
nangis)
|
|
Raden Wiratmaya
|
:
|
Sanadyan
ta si adhi iku dudu putrane rama Siralawe, nanging anggone nresnani ora beda
kaya anggone nresnani pun kakang.
|
|
Raden Wiradmaya
|
:
|
Sabanjure
si adhi mangerti, banjur si adhi piye?
|
|
Sri Huning
|
:
|
(tetep
meneng + nangis)
|
|
Raden Wiratmaya
|
:
|
Kok
kendel ta yayi? (kanthi nyepeng pundhak)
|
|
Sri Huning
|
:
|
Nyuwun
pangapunten raden, kula boten ngertos menawi kula menika tiyang alit, dene
saben dinanipun kula tansah murang tata dhumaten penjenengan.
|
|
Raden Wiratmaya
|
:
|
La
si adhi kok banjur nandukake basa marang kakang? Kakang rak wus kandha yen
senadyan si adhi dudu putra rama adipati nanging ora beda anggone nresnani.
Dadi ora perlu si adhi basa klawan pun kakang.
|
|
Sri Huning
|
:
|
Badhea
kados menapa kula menika rak tiyang alit, boten sapatutipun dene kula menika lenggah
sajajar kaliyan paduka.
|
|
Raden Wiratmaya
|
:
|
Kene..kene..mangertia
yayi. Anggonku dongeng mau ora ateges aku bakal gawe cuwaning atimu lan gawe wates
antarane si adhi klawan pun kakang. Kakang lak wis kandha yen ta anggonku
ndongeng muga bisa dadi dalan katresnanmu.
|
|
Sri Huning
|
:
|
Kula
kok dereng ndungkap ingkang dipunkersakaken Raden Wiratmaya?
|
|
Raden Wiratmaya
|
:
|
Ngene
ya yayi, anane pun kakang ndongeng kang kaya mangkono iku ora ana liya yen ta
kakang ki uga duwe rasa karo yayi. Mula kekarepane si adhi bakal klakon.
|
|
Sri Huning
|
:
|
(kaget)
boten kangmas. Atur kula wonten ngajeng menika namung saumpami lan gojeg
kemawon kok kangmas.
|
|
Raden Wiratmaya
|
:
|
Aja
selak marang swaraning batinmu, yayi.
|
|
Sri Huning
|
:
|
Boten
nyelaki kok kangmas, nanging menika njagi katentremaning batos.
|
|
Raden Wiratmaya
|
:
|
La
kok ngono yayi?
|
|
Sri Huning
|
:
|
Kula
menika namung putranipun abdi, panjenengan menika trahing ngaluhur. Dados
boten badhe kalampahan.
|
|
Raden Wiratmaya
|
:
|
Mesthi
kelakone yayi. Yen raga pancen winatesan drajad pangkat. Ning kang nglakoni
tresna iku ati. Sajagat iki ati iku padha, dadi tresnamu lan tresnaku bakal
kelakon.
|
|
Kalajengaken
dhemenan antawisipun Sri Huning lan Wiratmaya….
Katungka
rawuhipun Adipati Siralawe.
|
||
|
Adipati Siralawe
|
:
|
Wiratmaya…
|
|
Raden Wiratmaya
|
:
|
Oh…rama
Adipati…mangga rama…
|
|
Adipati Siralawe
|
:
|
Dak
sawang sajak konjem anggonmu gegojegan klawan sedulurmu Sri Huning.
|
|
Raden Wiratmaya
|
:
|
Menika
kala wau nembe geguyonan kaliyan yayi Sri Huning..rama.
|
|
Adipati Siralawe
|
:
|
ya..ya…pancen
ya kudu ngono…antarane sedulur kuwi pancen kudu duwe rasa sih lan tansah
rumaket..rak ya ngono ta Wiratmaya.
|
|
Raden Wiratmaya
|
:
|
Nuwun
inggih, saestu leres rama.
Punten
dalem sewu, kok ngantos rawuh wonten ing tamansari menika menapa wonten sabda kangge ingkang
putra?
|
|
Adipati Siralawe
|
:
|
Wiratmaya,
tenane mono rawuhe rama aneng tamansari saperlu nemoni Sri Huning kang bakal
dakutus supaya nggoleki sira merga arep ana rembug wigati kang bakal dak
babarake, jebul sira wus ana papan kene..
|
|
Raden Wiratmaya
|
:
|
Dadosaken
keget manah kula kok kadingaren rama…
|
|
Adipati Siralawe
|
:
|
Ora
luput aturmu, pancen ana bab kang wigati……
Coba
waspadakna wiratmaya, rama iki bebasane srengenge mono sing wis adoh karo
mletheke lan caket klawan angslupe. Tegese, rama iki wus yuswa nengahi
sadungkapan maneh ora bakal kuwat nyekel kendhaline rodha paprintahan.
|
|
Raden Wiratmaya
|
:
|
Inggih,
kersanipun rama?
|
|
Adipati Siralawe
|
:
|
Pun
rama bakal munjuk atur ing Majapahit yen ta kang bakal gumanti adipati ing
Tuban kuwi sliramu..
|
|
Raden Wiratmaya
|
:
|
Inggih,
matur sembah nuwun dene keng rama tuhu tresna dhumateng keng putra ngantos dipunpadosaken
kamukten ingkang kados mekaten agengipun.
|
|
Adipati Siralawe
|
:
|
Ya
ngger, nanging kareben ora kena walating leluhur sliramu minangka adipati
kudu duwe sisihan supaya bisa kanggo embat-embating catur.
|
|
Raden Wiratmaya
|
:
|
Inggih,
menawi sedaya menika kangge kamulyaning lan katentremaning kawula, kula
sagah..
|
|
Adipati Siralawe
|
:
|
Ya..ngene
ya ngger. Ora susah golek sing adoh, pun rama wus duwe calon. Ora liya
putrane pamanmu sasranegara ing Bojanegara kanga ran Retna Kumala.
|
|
Raden Wiratmaya
|
:
|
Sinten
rama?
|
|
Adipati Siralawe
|
:
|
Retna
Kumala, ngger..
|
|
Raden Wiratmaya
|
|
Nuwun
sewu rama, kula boten purun kadhaupaken kaliyan Retna Kumala rama..
|
|
Adipati Siralawe
|
|
Mengko
dhisik ta Wiratmaya, ing ngarep kowe mau wus matur saguh, ning saiki kok
matur ora. Piye ta ngger?
|
|
Raden Wiratmaya
|
|
Rama,
kula menika dereng nate canthuk lawung kaliyan retna kumala. Nggih menawi
ayu, menawi boten? Nggih menawi kula tresna, menawi boten?
|
|
Adipati Siralawe
|
|
Retna
kumala kuwi ayu lo ngger…
|
|
Raden Wiratmaya
|
|
Ayu
menggahipun rama, dereng katenan ayu menggahing wiratmaya…
|
|
Adipati Siralawe
|
|
Ya
bener, ayu iku tegese tresna. Senajan ala yen tresna ya katon ayu. Senajan
ayua yen ora tresna yak atone ala… ning ana ujare para winasis yen witing
tresna iku jalaran saka kulina…
|
|
Raden Wiratmaya
|
|
Boten
rama, awit tresna menika ageming gusti ingkang suci linunturaken dhumateng
titahipun, dados tresna kedah linambaran ati ingkang suci. Mila tresna boten
saged kangge pakulinan..
|
|
Adipati Siralawe
|
|
O..ngajak
bantah kowe…
Ya,
etung-etung kanggo kaundhakaning kawruhmu, tak ladeni.
Ngene
wiratmaya, aturmu kabeh mau bener, awit sira durung tepung mula ora tresna.
Yen wis tepung banjur srawung mesthi tuwuh rasa tresna……… ora mung kuwi
ngger, malah rembug wis dadi, kenthinging dina dhedhaupan yaiku dina anggara
kasih.
|
|
Raden Wiratmaya
|
|
Gandheng
rembag sampun kebacut dados, kagem ngreksa kaluhuran rama kula sagah, ning
menawi wonten nganten sepasar bubar ampun nutuh Wiratmaya…
|
|
Adipati Siralawe
|
|
(njerit,
jumeneng, mentheleng) Wiratmaya…
|
|
Garwa Adip.Siralawe
|
:
|
Ngger…wiratmaya…coba
pirsanana rama lan ibumu iki…rama lan ibu iki wis tuwa ya ngger, apa ya tega
kowe gawe kuciwaning wong atuwamu? Mula ya ngger, estokna dhawuhe ramamu ya
ngger?
|
|
Raden Wiratmaya
|
:
|
Adhuh
ibu…nuwun sewu, kula saestu boten tresna ibu…
|
|
Garwa Adip. Siralawe
|
:
|
Wiratmaya,
coba balenana ucapmu kuwi ngger…
|
|
Raden Wiratmaya
|
:
|
Dhuh
ibu, saestu menawi kula boten tresna kaliyan retna kumala.
|
|
Adipati Siralawe
|
:
|
Cukup…cukup…wiratmaya!
ya…yen pancen wus gembleng kang dadi tekad bakal nungkak krama marang rama.
Tinimbang ramamu iki dadi pangewan-ewane yayi Sasranegara lan didakwa adipati
kang esuk dele sore tempe, luwih becik dak enthengake patimu, wiratmaya….
|
|
Garwa Adip. Siralawe
|
:
|
(muwun…menggak
kekarepane Adip.Sasranegara)
Sampun
kangmas…sampun ingkang sareh…
Sawangen
ngger, lelakon sing disandhang ramamu…yen pancen kowe arep nggugu karepmu
dhewe…patenana rama lan ibu iki…..lan aja pisan-pisan mbok eling-eling yen
kowe tau duwe ibu lan ramamu….wiratmaya.
|
|
Adipati Siralawe
|
:
|
Wis…wis..
bu…aja dibacutake…wiratmaya, tenane pepetungan iki tenane wis gumatho mung
kari kurang pirang dina anggara kasih kuwi…ning ora apa-apa yen pancen kowe
arep badal saka kersane rama…biyen kowe cilik dak gedhekake, dak
gulawenthah…kowe gedhe dak pinterake, nanging sawise diwasa mung kaya ngono
piwalesmu…
ya..seksenana
ya, ora papa aku dicempalani bocah, nanging seksenana ya bu..sakalimah
wangsulane wiratmaya ngganjel lara ing atiku..luwung aku ora tau duwe anak
kayak owe wiratmaya…lan sakmatiku aku ora kepengin wiratmaya ngrukti layonku
nganti tumekaning sasana laya…
|
|
Raden Wiratmaya
|
:
|
Aduh
rama…ibu…punten dalem sewu…sampun ngantos ngendikan ingkang kados mekaten
rama…nggih…kula boten kepengen dipunwastani anak sing wani marang wong
tuwane…
Nggih..kangge
rama lan kadipaten tuban…kula sagah rama..
|
|
Adipati Siralawe
|
:
|
Sagah
kepiye?
|
|
Raden Wiratmaya
|
:
|
Kula
sagah lan purun kadhaupaken klawan retna kumala.
|
|
Adipati Siralawe
|
:
|
Tulus
sing dadi aturmu?
|
|
Raden Wiratmaya
|
:
|
Inggih
rama…
|
|
Adipati Siralawe
|
:
|
La..rak
ya ngono awit mau…dadi ora ndadekake wong tuwa kudu nibakake prasapa kang ora
samesthine… (Medalipun Sri Huning bekta unjukan)
Yen
ngono kowe wis saguh, besok dina anggara kasih dhaup lan retna kumala ing
Bojanegara…
|
|
Raden Wiratmaya
|
:
|
Inggih
kula sagah rama..
(Sri
Huning kaget ndhawahaken unjukan ngantos los saking tamansari)… kasigeg
|
|
Adegan
III : Kadipaten Lamungan
Adipati
Indrakatong tansah gawang-gawang pasuryane Retna Kumala ngantos nggandrung…
|
||
|
Adipati Indrakatong
|
:
|
Keparat
jebulane malah kowe…. oooo lam-lamen aku jebulane…
|
|
Prajurit
|
:
|
Nuwun
sewu gusti, sejatosipun menggalihaken sinten ta kok ngantos nyalemong
handaleming nyebut naminipun wanodya gusti.
|
|
Adipati Indrakatong
|
:
|
Rit,
prajurit…..kowe kuwi goblok temen…apa kowe ora ngerti wanita sing
daktresnani? Yen kowe lali tak elingake…ora liya katresnanku mung Retna
Kumala mustikaning Bojanegara.
|
|
Prajurit
|
:
|
Oooo,
mekaten ta gusti? Nuwun sewu gusti, menapa gusti Retna Kumala menika ayu ta
gusti?
|
|
Adipati Indrakatong
|
:
|
Pancena
ngono…nek ora ayu aku ora bakal kesengsem… malah saiki aku wus utusan Patih
Indrasekti supaya ngaturake panglamarku ing Bojanegara….
|
|
Patih Indrasekti
|
:
|
Kula
sowan gusti Adipati…
|
|
Adipati Indrakatong
|
:
|
Ha..ha..ha..ha..kaki
patih…bebasan kecoh durung garing, nginanga durung abang dene kowe wus tumeka
sowan….kene-kene..kepriye anggonmu dak utus, entuk gawe apa ora?
|
|
Patih Indrasekti
|
:
|
Punten
dalem sewu, menawi lepat nyuwung agunging pangaksami…
|
|
Adipati Indrakatong
|
:
|
Ya…mesthi
wae bakal dak cepakake pangapura kanggo kowe kaki patih…
|
|
Patih Indrasekti
|
:
|
Inggih
sembah nuwun, ngaten gusti Adipati..sampun kelampahan kula sowan wonten ing
Bojanegara…kepara sampun kepanggih gusti Adipati Sasranegara…
|
|
Adipati Indrakatong
|
:
|
Hahahaha….bagus…bagus..patih
Indrasekti…dadi kowe wis ketemu klawan Adipati Sasranegara? Terus piye?
|
|
Patih Indrasekti
|
:
|
Inggih
gusti Adipati, panglamaripun gusti Adipati Indrakatong sampun kula unjukaken
ngarsa Adipati Bojanegara…
|
|
Adipati Indrakatong
|
:
|
Ha..ha..ha..bagus..pancen
kowe patih kang pinunjul, bisa ngrampungi kang sun dhawuhake…banjur piye?
|
|
Patih Indrasekti
|
:
|
Inggih,
nanging nalika kula ngaturaken panglamar paduka.. bebasan mbarung sinang
nunggal karep awit wonten panglamar ugi saking Tuban…
|
|
Adipati Indrakatong
|
:
|
Ana
panglamar saka Tuban? Terus piye? Piye pungkasane…
|
|
Patih Indrasekti
|
:
|
Nuwun
sewu gusti, wusananipun kusuma Dewi menika badhe kadhaupaken kaliyan….
|
|
Adipati Indrakatong
|
:
|
Aku
ta? Ha..ha..ha…
|
|
Patih Indrasekti
|
:
|
Sanes,
putra Adipati Tuban gusti…
|
|
Adipati Indrakatong
|
:
|
(duka,
mala dhumateng patih Indrasekti)
Goblok…bangsat…kowe
kuwi dak utus minangka duta? Kowe kuwi patih, mungkasi perkara panglamarku
wae nganti cabar tanpa dadi….banjur apa tumindakmu weruh kahanan kang kaya
mangkono?
|
|
Patih Indrasekti
|
:
|
Nuwun
sewu gusti, kula ngrubut duta saking Tuban kepara dados daredah ing
alun-alun?
|
|
Adipati Indrakatong
|
:
|
Bagus…bagus…ya
kuwi sing kudu koklakoni…banjur kasil anggonmu ngupaya?
|
|
Patih Indrasekti
|
:
|
Begjanipun
kula kawon lajeng mlajar sowan ngarsa paduka..
|
|
Adipati Indrakatong
|
:
|
(mara
tangan malih) ora idhep…patih keparat….yen pancen kowe ora bisa mrantasi
perkara iki, dherekna aku nglurug bojanegara…..ora ana liya dak jaluk Retna
Kumala, yen ora kena…Bojanegara dadi karang abang….
Ketapna
prajurit, cepak gegaman aja nganti ana kang kacicir…dherekna aku…
|
|
Patih Indrasekti
|
:
|
Sendika
ngestokaken dhawuh gusti…
|
|
Adegan
IV : Kadipaten Bojanegara
Dhaupan
penganten….Raden Wiratmaya kapanggihake Retna Kumala…Satengah-tengahing
adicara pawiwahan…katungka nglurukipun Adipati Indrakatong.
|
||
|
Prajurit
|
:
|
Nuwun
sewu gusti Adipati, keparengan munjuk atur ing ngarsa paduka.
|
|
Adipati Sasranagara
|
:
|
Lonjong
mimis tekamu sajak ana kang mbujung… ana wigati aturmu nganti
|
|
Prajurit
|
:
|
Ngaturi
uninga bilih ing sajawining gapura kadipaten wonten pangluruking mengsah
saking Lamungan kang dipunpandegani Adipati Indrakatong, gusti..
|
|
Adipati Sasranagara
|
:
|
Kepriye
kridhaning para prajurit ing Bojanegara?
|
|
Prajurit
|
:
|
Punten
dalem sewu, prajurit saking Bojanegara mosak-masik nadhingi kridhanipun
prajurit mengsah…
|
|
Adipati Sasranagara
|
:
|
Kados
pundi menika kangmas Siralawe?
|
|
Adipati Siralawe
|
:
|
Sampun
was sumelang, menika ugi dados perkawisipun Tuban.. Sadara…
|
|
Raden Sadara
|
:
|
Sabda
katimbalan rama?
|
|
Adipati Siralawe
|
:
|
Enggal
metua ing ngalun-alun, pethukna Indrakatong, tumpesen kabeh prajurit saka ing
Lamungan..
|
|
Raden sadara
|
:
|
Ngestokaken
dhawuh, rama
|
|
Adegan
V : Tilamsari Penganten
Ing
salebeting tilamrum R.Wiratmaya mangu-mangu menggalihaken Sri Huning ingkang
lolos dhiri…
|
||
|
Retna Kumala
|
:
|
Kados
pundi kakang wiratmaya, adatipun penganten enggal menika tansah bungah. Nanging
kula tingali penjenengan menika tansah rengu ing pepolatan. Wonten menapa ta
kangmas?
|
|
Raden Wiratmaya
|
:
|
Sing
gedhe pangapuramu… gorehing atiku merga aku durung bias meksa rasaku mlebu
ing jagating bebrayan….
|
|
Retna Kumala
|
:
|
Lo
kok dereng saged mlebet ing jagating bebrayan, nembe kemawon kula lan
panjenengan dados penganten. Ateges menika pratandha kula lan panjenengan
sampun nyawiji ing jagating bebrayan.
|
|
Raden Wiratmaya
|
:
|
Mengko
dhisik, aja dadi salah panampamu. Aku mung butuh wektu sawetara supaya atiku bisa
nresnani sliramu kaya tresnane rama marang kanjeng ibu…nanging ora saiki, aku
mung butuh wektu…
|
|
Retna Kumala
|
:
|
Sampun
ta kangmas…kula mangertos bilih panjenengan menika boten saged nresnani kula
napa malih kedah mangun bale wisma ing madyaning bebrayan kaliyan kula…
Menawi
kula tingali pasuryan saha tindak tanduk panjenengan, boten sanes bilih panjenengan
kagungan wanita sanes ingkang nabet wonten ing manah panjenengan, kangmas…
|
|
Raden Wiratmaya
|
:
|
Coba
balenana ucapmu kang pungkasan…
|
|
Retna Kumala
|
:
|
Penjenengan
kagungan wanita sanes ingkang dados katresnan penjenengan…
|
|
Raden Wiratmaya
|
:
|
Bener…kepara
nyata…
ora
dak selaki yen aku duwe katresnan liyane….dhaupku klawan kowe ora liya mung
merga bektiku marang wong atuwaku…. Merga aku dipeksa, rasaku dipeksa…
|
|
Retna Kumala
|
:
|
Kangmas…kangmas
wiratmaya..menawi mekatena kula ugi sami…kula ugi dipeksa…nanging kangmas
wiratmaya, badhea kados pundi kula menika sampun dados garwa penjenengan…
Mila
kangmas, kula lan panjenengan menika rak penganten enggal. Mesthenipun
sesarengan ngraosaken memanising madu asmara.
|
|
Raden Wiratmaya
|
:
|
Kudune
mangkono, nanging apa kowe ora ngerti kahanan saiki? Kae sawagen aneng
alun-alun, prajuritmu padha sengsara ing palagan lan para kamulamu
kasempyoking paprangan…. Apa ya bakal bisa negakake ing kahanan kang kaya
mangkene kowe lan aku enak kapienak andon asmara? Aneng ngendi rasamu?
|
|
Retna Kumala
|
:
|
Kula
kok dereng ndungkap kersa penjenengan?
|
|
Raden Wiratmaya
|
:
|
Punjere
perkara iki ora liya mung kowe. Anane Indrakatong nglurug aneng Bojanegara
merga kepengin ngepek bojo kowe…
|
|
Retna Kumala
|
|
Awit
saking menika kakang, kula lan panjenengan menika sampun bebojoan. Mila menika
dados tanggil jawab panjenengan mangsulaken Adipati Indrakatong.
|
|
Raden Wiratmaya
|
|
Kakang
bisa mbalekake Indrakatong, nanging ora wurunga dheweke bakal ngimpun
kekuwatan lan nglurug maneh awit sedyane durung kelakon. Mula yen adhi pengin
perkara iki rampung, ayo dak terake ngadhep Indrakatong, kowe diboyong
menyang lamungan. Mesthi perang iki bakal rampung..
|
|
Retna Kumala
|
:
|
Kangmas!!
Oh…destun temen kula ing ngarsa penjenengan? (muwun…kendel sawetawis) kula
menika sanes wong wadon loro saudon, telu saurupan.
Nanging
kangmas, mangertosa menawi kakung menika nggadhahi tanggil jawab cilike digonjak
anake gedhene dijawat bojone kudu direwangi pecahing dhadha wutahing ludira
kangmas…
|
|
Raden Wiratmaya
|
:
|
Kuwi
yen garwa kang linandhesan rasa tresna…wong aku ora tresna karo kowe kok
retna kumala…
|
|
Retna Kumala
|
:
|
Kangmas
wiratmaya, babar pisan kula boten ngira menawi penjenengan menika priya
ingkang remeh…sepisan penjengan menika gadhah garwa, bojone dijaluk wong liya
penjenengan boten ngukuhi..menika nama priya kang kados napa?
Kaping
kalih, yen ta penjenengan menika boten nganggep kula pinangka garwa…nggih
nadyan awrat kula dhadha nanging Tuban lan Bojanegara menika sampun
kekadangan. Mila menawi Bojanegara menika kinepung wakul binaya mangap
kaliyan durjana…pinangka satriya kang kondhang kalokengrat mesthinipun
penjenengan cancut gumregut mbalikake mungsuh….
|
|
Raden Wiratmaya
|
:
|
Cukup…aja
mbok teruskake omonganmu….
Seksenana,
Indrakatong bakal tak balekake menyang negarane…umpamane aku kudu gugur ing
palagan dudu krana kowe nanging mbelani Bojanegara lan Tuban….. (lajeng medal
majeng perang…)
|
|
Adegan
VI : Palagan
Perang
ageng anatawisipun Lamungan lan Bojanegara…Wiratmaya mandhegani Bojanegara,
satengahing tandhing klawan Indrakatong, Wiratmaya kapikut badhe kapejahi
dipunslametaken Sri Huning ingkang memba warni…wusana Sri Huning gugur…
|
||
|
Raden Wiratmaya
|
:
|
Lo…jebul
kowe katresnanku Sri Huning…
|
|
Sri Huning
|
|
Kakang,
kula tansah ngukuhi katresnan kula. Umpamia kula boten saged jejodhohan
kaliyan penjenengan, kersanipun trena menika kula beta ngan…tos…se…da…
|
|
Raden Wiratmaya
|
|
Lo…Sri
Huning…aja ninggal aku diajeng… oh…kowe gugur diajeng…mbelani nggonku mangsah
yuda….
Yen
ngono yayi, ayo bebarengan pun kakang magut yuda kridhane si Indrakatong
diajeng…..(Sri Huning kapondhong, majeng perang)
|
|
Wiratmaya
majeng perang kaliyan mbopong layonipun Sri Huning…
Wiratmaya
kakrubut, tumekaning seda….
Adipati
Indrakatong gumuyu lakak-lakak, lena kasuduk curiga kaliyan Retna Kumala
nganti seda.
Retna
Kumala nyaketi layone sang Wiratmaya, mangertosi Wiratmaya ngrungkepi layone
Sri Huning ndadoskaken kejot nuli njerit……
Paripurna………………
|
||
