https://jv.wikipedia.org/wiki/Gamelan_Bali
Gamelan Bali adalah salah satu jenis Gamelan yang ada di Indonésia.[1] Gamelan Bali kuwi bentuké unik, rancakané nganggo ukir keliling kang ing jeroné ukiran nyritakaké bab Sejarah Ramayana utawa Mahabarata.[1] Gamelan Bali uga duwé ciri khas swara kang duwèni tempo landinamika musikal kang apik.[1] Bedané karo Gamelan jawa, Gamelan Bali luwih akèh kang bentuké wilah tinimbang bentuk pencon.[1] Trus wilahé luwih kandhel, dadi bisa ngasilaké swara kang nyaring.[1] Ciri liyané yaiku Cèng-cèng utawa Symbal cilik, cèng-cèng iki swarané uga nyaring mula bisa gawé swara Gamelan Bali béda karo swara Gamelan Jawa.[1]
Pola Tabuhan
Pola tabuhan kang dienggo ing Gamelan Bali yaiku Pola Imbal.[2] Pola imbal kang dienggo yaiku imbal kang statis lan cepet.[2]
Ricikan
Ricikan yaiku aran kanggo instrumen.[2] Ricikan Gamelan Bali yaiku:
- Jiyèng,
- Réyong,
- Kanthil,
- Gangsé,
- Jigog,
- Jublak,
- Gong,
- Kenong,
- Kethuk,
- Cèng-cèng(Kecrak),
- Kendhang,
- Gendèr, lan
- Suling.[2]
Ricikan-ricikan kuwi mau cara nabuhé nganggo cara imbal kajaba Gong, Jigog, jublak, Kethuk, lan Kenong.[2]
Kagunaan
ing Bali, kagunaan Gamelan Bali akèh banget utamané kanggo kaperluan ibadah.[2] Gamelan kang kanggo ing saben acara uga béda-béda ora mung saperangkat, contoné kanggo acara nikahan lan sunatan kuwi gamelané wajib béda senajan acarané bebarengan.[2] Alasané amarga tujuan acarané kang béda.[2]
Bahan
kaya Gamelan jawa, bahan kanggo nggawé ricikan Gamelan Bali padha karo bahan Gamelan Jawa.[2] Yaiku campuran antarané Tembaga lan Wesi.[2] Tabuh kang dinggo uga padha, yaiku kayu.[2] Tabuh kanggo Jiyèng, Réyong, lan Kethuk bentuk kayuné cilik dawa lan pucuké diblebet kain lan pluntur kaya tabuh bonang ing gamelan jawa, banjur tabuh Kanthil, Gangse, Kenonglan Jublak uga saka kayu nanging bentuké kaya sungu.[2] Bentuk tabuh kanggo jigog padha karo bentuk tabuh Gong.[2]
No comments:
Post a Comment